Azııa oıyndarynda olja salǵan sportshylardyń bir toby «Nur Otan» qataryna qabyldandy - BQO
L. 25 aqpan. QazAqparat /Eljan Eraly/ - Partııanyń oblystyq ǵımaratynda ótken «Bul - bizdiń jeńisimiz!» atty is-shara kezinde qysqy Azııa oıyndarynda olja alǵan sańlaq sportshylardyń bir toby 25 aqpanda saltanatty jaǵdaıda «Nur Otan» halyqtyq demokratııalyq partııasy qataryna qabyldandy.
«Nur Otan» HDP BQO fılıaly tóraǵasynyń orynbasary Abat Shynybekovtiń atap ótkenindeı, elimizdiń táýelsizdigine 20 jyl qarsańynda «Táýelsizdik jetistikteri» atty sharalar tizbegi ótýde. «Mereıtoıly jyldyń shymyldyǵyn ashqan qysqy Azııa oıyndaryndaǵy jeńisimiz - bárimizge maqtanysh. Elbasymyzdyń ózi osy Azıada elimizge úlken rýh bergenin atap ótti. Osy oıyndar kezinde búkil qazaqstandyqtar bir komandadaı jumylyp, patrıottyq sezimderin pash etti. Qysqy Azıadadaǵy el jeńisine bizdiń batysqazaqstandyq sportshylar da laıyqty úles qosqanyn maqtanysh etemiz», dedi ol.
Oblystyq týrızm, dene shynyqtyrý jáne sport basqarmasynyń bas mamany, basqarma janynan qurylǵan «Nur Otan» HDP bastaýysh partııa uıymynyń tóraǵasy Seıitjan Begısinov jaqynda ǵana ótken bastaýysh uıymnyń jınalysynda 103 adam partııa qataryna kirýge ótinish bildirgenin aıtty. Olardyń qatarynda ataqty sportshylar da bar eken.
-Men «Nur Otan» partııasynyń múshesi bolǵanyma óte qýanyshtymyn. Azıadadaǵy jeńisimiz - bul bizdiń ǵana tabysymyz emes, sport basqarmasy basshylarynyń da eńbegi. Endi aldaǵy Sochı olımpıadasyna daıyndalamyz, jeńiske degen jigerimiz kúshti, - dedi short-trekten sport sheberi, VII qysqy Azııa oıyndarynyń qola júldegeri Nurbergen Jumaǵazıev.
Saltanatty jıyn ústinde sondaı-aq short-trekten sport sheberi, VII qysqy Azııa oıyndarynyń qola júldegeri Inna Sımonova, sambodan halyqaralyq dárejedegi sport sheberi, álem chempıonatynyń qola júldegeri Almıra Isataeva, dzıýdo jáne sambo kúresinen sport sheberi, osy sport túrlerinen jastar arasynda QR chempıony Suńǵat Mahambetov, dzıýdodan sport sheberligine úmitker, jasóspirimder arasynda QR chempıony Kólbaı Temirlan, kógaldaǵy hokkeıden sport sheberi, jazǵy Azııa oıyndaryna qatysýshy Vıktorııa Shaımardanova, sadaq atýdan halyqaralyq dárejedegi sport sheberi, Azııa kýbogynyń ıegeri Anastasııa Bannova, sport sheberleri Konstantın Solodovnıkov pen ıÝlııa Starateleva partııa múshesi degen kýálik aldy.
Sharaǵa qatysýshy sport ardagerleri Qamesh Ismaǵulov pen Sofııa Imanǵalıeva jas sportshylardy partııa qataryna qabyldanýymen quttyqtap, bolashaqta zor jeńisterge jete berýine tilektestigin bildirdi.
