Azııa oıyndarynda qazaqstandyq hokkeıshiler Taıland komandasynan jeńilip qaldy
NUR-SULTAN. QazAqparat - Kógaldaǵy hokkeıden Qazaqstan quramasy Azııa oıyndarynyń irikteý kezeńindegi alǵashqy oıynyn ótkizdi, dep habarlaıdy QazAqparat tilshisi.
Qazaqstandyq hokkeıshiler alǵashqy kezdesýde Taılandpen kezdesti. Oıyn barysynda olar qarsylasyna 1:2 esebimen ese jiberdi.
Eske salsaq, ulttyq qurama A tobynda Oman, Taıland, Gonkong jáne Ózbekstanmen sheberlik baıqasady.
Endi olar 7 mamyrda Omanmen, 9 mamyrda Ózbekstanmen oınaıdy. Al 10 mamyrda Gonkong quramasymen kezdesedi.
Atalǵan toptaǵy taǵy bir kezdesýde Ózbekstan Gonkongten 4:2 esebimen basym tústi.
V tobynda Bangladesh, Shrı-Lanka, Indonezııa jáne Sıngapýr quramalary oınaıdy.
Qazaqstandyq hokkeıshiler atalǵan dodanyń fınaldyq kezeńinde eki márte baq synady. 1994 jyly 6-oryn alsa, 2018 jyly 11-oryndy mise tutty.
