Azııa oıyndarynda Qazaqstan quramasynyń beıresmı jalpykomandalyq esepte top jaratyndyǵyna senimim mol – sport kommentatory Ermuhamed Máýlen

Solardyń biri - dopty hokkeıden (bendı) Qazaqstan ulttyq quramasy ótkizetin kezdesýlerdiń tikeleı kórsetilimine júrgizýshisi bolyp bekitilgen jas sport jýrnalısi, www.footbol.kz saıtynyń Bas redaktory Ermuhamed Máýlen QazAqparat tilshisimen suhbatynda aldaǵy Azıadadaǵy Qazaqstan quramasynyń múmkindikteri jaıly oı bólisti.

- Ermuhamed Muratbekuly, aldaǵy Azıadada dopty hokkeıden Qazaqstan quramasynyń jeńimpaz atanýyna múmkindigi bar ma?

- 7-Qysqy Azııa oıyndarynyń tizimine Qazaqstan ótkizýshi el retinde dopty hokkeı (bendı) jáne shańǵymen baǵdarlaý syndy sport túrlerin engizgen bolatyn. Jalpy, dopty hokkeı Azııa qurlyǵynda kenje damyǵan. Qazaqstan quramasy aldaǵy Azıadada sporttyń osy túrinen top jarýdy kózdep otyr.

Negizi, bul oıynnyń shyǵý tórkini Reseı men Skandınavııa elderinen bastaý alady. Búginde de sol elderde, sonymen birge, Eýropa men Amerıkada jaqsy damyǵan.

Sporttyń bul túri elimizde 1950 jyldan damı bastaǵan eken. Almatynyń «Dınamo» komandasy KSRO zamanynda Odaq, onan soń Eýropada jeńimpaz atanǵan kezder bolǵan. ıAǵnı, Qazaqstanda dopty hokkeıdiń burynnan izi bar degen sóz. Degenmen, sporttyń bul túri barlyq Azııa qurlyǵynda jaqsy damyǵan dep aıta almaımyn. Bul oraıda qalyptasqan dástúrge kóz júgirtetin bolsaq, bizdiń komandanyń jeńimpaz atanýǵa múmkindigi mol.

- Azıada kezinde dopty hokkeıden ótetin oıyndardy júrgizbekshisiz. Bul múmkindik Sizge qalaı buıyrdy?

- Jalpy, bizde qysqy sport túrlerin júrgizetin kommentatorlar múlde az. Sondyqtan telearnalarda Azıada oıyndaryn júrgizetin kommentatorlarǵa degen suranys týyp, baıqaý jarııalandy. Men óz baǵymdy synamaq bop, sol baıqaýǵa qatystym. Bul tamyz aıynda bastalǵan bolatyn.

Alǵashqy synaǵym - fýtboldan Eýropa chempıondary lıgasy aıasynda ótken «Inter»-«Verder» kezdesýi boldy. Onan soń da birshama oıyndar júrgizdim. Sol sátterde elge belgili tanymal kommentatorlar - Eseı Jeńisuly men Pavel Tsybýlın aqyl-keńesterin berip, sheberligimdi shyńdaýyma kómektesti. Jalpy, Almatyda Aq Azıada sporttyń 11 túrinen jarystar ótedi, olar jerebe arqyly «Qazaqstan», «Habar» jáne «Elarna» telearnalaryna teńdeı bólingen. Soǵan saı, ár telearnada 4 shyǵarmashylyq top bolýy kerek. Men sonyń ishinde Ulttyq arnanyń baıqaýyna qatysyp, jeńimpaz atandym. Men jáne basqa da úmikerler tańdalǵannan keıin, sheberlik shyńdaý synaqtarynan óte bastadyq, arnaıy dárister oqyldy. Bul daıyndyqtar áli kúnge jalǵasýda. Onan soń árqaısysymyzdyń qandaı qysqy sport túrlerine beıim ekendikterimizdi anyqtady. Nátıjesinde, Ulttyq arnadan kórsetiletin 4 qysqy sport túriniń ishinen dopty hokkeıden reportaj júrgizý meniń enshime tıdi. Ol Azıada bastalýyna 1 aı qalǵanda belgili boldy. 1 aıǵa jýyq ýaqyt bolyp qaldy bendıdiń tarıhyn men erejelerin, sporttyń osy túrinen tanymal bolǵan sportshylardy jáne osyǵan qatysty basqa da dúnıelerdi oqyp, zerttep jatyrmyn.

- Daıyndyq jumystary qalaı júrýde?

- Buryn tek fýtboldan Chempıondar lıgasy oıyndaryn júrgizetinmin. Dopty hokkeıdiń de sporttyń basqa túrleri sııaqty ózindik erekshelikteri, erejeleri bar, sondyqtan, kóp daıyndalýǵa týra keldi. Sonymen birge, bul oıyndardan reportaj jasaý úshin rejısserler men dybys rejısserleri, tehnıkalyq mamandar - barlyǵymyz qazirgi ýaqytta «Medeý» muz aıdynynda sońǵy daıyndyqtarymyzdy pysyqtaýdamyz. Oǵan qosa, daıyndyq jumystarymyzdy qazaq jáne orys tildi kommentatorlar bolyp Qazaqstan Bendı odaǵymen kelise otyryp júrgizýdemiz. Bul bizdiń bilim bazamyz ben sóıleý sheberligimizdiń jetilýine úlken kómegin tıgizip jatyr.

Daıyndyq jumystary barysynda sportshylardyń qaı jaqtan shyǵyp, qaı jerde otyratyndary, oıyn aldynda qansha mınýt jattyǵatyndyqtary jaıly jáne basqa da qajetti málimettermen tanysyp jatyrmyz. Sondaı-aq sport keshenindegi qurylǵan jańa tehnıkalarmen jumys jasaýdy úırenýdemiz. Aıta ketetin taǵy bir jáıt, kommentatorlyq barysynda oıyn alańdarynan tikeleı baılanysqa shyǵý joldary da qarastyrylýda.

- Sizdiń júrgizýińizben qandaı oıyndardy tamashalaıtyn bolamyz?

- Men Qazaqstan ulttyq quramasynyń toptyq týrnırdegi 3 oıynyn, atap aıtqanda Qyrǵyzstan, Tájikstan, Mońǵolııa quramalarymen bolatyn kezdesýlerin jáne jartylaı fınal men aqtyq syn oıyndaryn tikeleı kórsetilimde júrgizemin.

- Aldaǵy 7-Qysqy Azııa oıyndarynda Qazaqstan quramasy beıresmı jalpykomandalyq esepte birinshi oryn alýdy kózdep otyr. Sizdiń oıyńyzsha, bundaı múmkindigimiz bar ma?

- Qazaqstan quramasy 1999 jylǵy Ońtústik Koreıanyń Kanvondo qalasynda ótken 4-Qysqy Azııa oıyndarynda beıresmı jalpykomandalyq esepte 3-oryn alǵan eken. Odan keıin bolǵan eki birdeı qysqy Azııa oıyndarynda úzdik bestik qatarynan tabylǵan. Alaıda bul kórsetkishterge qarap elimizdegi qysqy sport túrleri damymaı, kenjelep qalǵan degen oı týmaýy tıis. Vankýver Olımpıadasynda kúmis alǵan bıatlonshy Elena Hrýstaleva Azıadada altynnan alqa taǵynady dep úmittenip otyrmyz. Budan bólek shańǵymen tuǵyrdan sekirý, mánerlep syrǵanaý jáne basqa da sport túrlerinen altyn medal alýǵa orasan zor múmkindikterimiz bar. Joǵaryda aıtyp ótkenimdeı, dopty hokkeıden de altyn alýǵa qaýqarymyz jetedi. Azıadanyń óz elimizde ótetini jáne jankúıerlerdiń qyzý qoldaýy sportshylarymyzǵa úlken jaýapkershilik júktep qana qoımaı, jigerine jiger qosyp, olardy qanattandyra túsetini sózsiz. Toqsan aýyz sózdiń tobyqtaı túıinin aıtatyn bolsam, Aq Azıadada Qazaqstan quramasynyń beıresmı jalpykomandalyq esepte qara úzip, top jaratyndyǵyna senimim mol.

- Suhbatyńyzǵa rahmet!