Azııa oıyndarynda el namysyn qorǵaıtyn boksshy qyzdar belgili boldy

ASTANA. QazAqparat – Qytaıdyń Hanchjoý qalasynda 23 qyrkúıek pen 8 qazan aralyǵynda ótetin Azııa oıyndarynda el namysyn qorǵaıtyn burymdy boksshylarymyzdyń esimi belgili boldy, dep habarlaıdy QazAqparat tilshisi.

Qazaqstan boks federatsııasy habarlaǵandaı, Saryqurlyq dodasynda el namysyn áıelder arasynda alty boksshy qorǵamaq.

Atap aıtsaq, ulttyq qurama sapynda jarysqa Nazym Qyzaıbaı (51 keli), Jaına Shekerbekova (54 keli), Karına Ibragımova (57 keli), Rımma Volosenko (60 keli), Natalıa Bogdanova (66 keli) jáne Valentına Halzova (75 kg) qatysady.

Aıta keteıik, Azııa oıyndarynda Qazaqstannyń týyn boksshy Aslanbek Shymbergenov pen jeńil atlet Nadejda Dýbovıtskaıa kóterip shyǵady.

Azııa oıyndarynda 40 sport túrinen medaldar jıyntyǵy sarapqa salynady.