Azııa oıyndarynda el namysyn qorǵaıtyn «Aqjaıyq» komandasynyń hokkeıshileri búgin Samarada óner kórsetedi
ORAL. 22 qańtar. QazAqparat /Eljan Eraly/ - Dopty hokkeıden Reseı chempıonaty birinshi lıgasynda óner kórsetetin Oraldyń «Aqjaıyǵy» kezekti kezdesýlerin Samara qalasynda jergilikti TsSK VVS komandasymen ótkizedi.
Osynda úsh match ótkizgennen keıin «Aqjaıyq» alǵashqy aınalymdy aıaqtaıdy. Ázirge batysqazaqstandyqtar «B» tobynda 22 upaımen ekinshi orynda (Saratovtyń «Ýnıversaly» 28 upaımen kósh basynda). Osynyń aldynda óz aıdynynda Ýlıanovskiniń «Volga-2» komandasyn 5:2, 4:2 esebimen eki ret utqan «Aqjaıyq» týrnır kestesindegi óz jaǵdaıyn jaqsarta túsken bolatyn.
Qazan qalasynda 23 qańtarda bastalatyn dopty hokkeıden álem chempıonatynda Qazaqstan quramasy sapynda «Aqjaıyqtan» úsh birdeı oıynshy (Vladıslav Novojılov, Eskendir Nuǵmanov, Petr Grıbanov) aıdynǵa shyqpaq. Odan keıin Almatyda túgeldeı «Aqjaıyq» hokkeıshilerinen quralǵan Qazaqstan quramasy tuńǵysh ret Azııa oıyndaryna qatysady.
