Azııa oıyndarynda baq synaıtyn elimizdiń dzıýdodan erler quramasy belgili boldy
ASTANA. QazAqparat - Qytaıdyń Hanchjoý qalasynda ótetin Azııa oıyndarynda baq synaıtyn dzıýdodan erler quramasynyń tizimi belgili boldy, dep habarlaıdy QazAqparat tilshisi.
Dzıýdodan erler quramasy sapynda Maǵjan Shamshadın (60 keli), Ǵusman Qyrǵyzbaev (66 keli), Danııar Shamshaev (73 keli), Abylaıhan Jubanazar (81 keli), Dıdar Hamza (90 keli), Nurlyhan Sharhan (100 keli), Ǵalymjan Qyryqbaı (100 keli) sharshy alańǵa shyǵady.
Azııa oıyndary 23 qyrkúıek pen 8 qazan aralyǵynda ótedi. 40 sport túrinen medaldar jıyntyǵy sarapqa salynady.
Qazaqstandyq sportshylar 1994 jyldan beri Azııa oıyndaryna turaqty túrde qatysyp keledi. Qazirge deıin barlyǵy 557 medal enshiledi. Olardyń 155-i altyn, 158-i kúmis, 244-i qola. Medaldar kestesinde altynshy orynda tur.
Al dzıýdoshylar Azııa oıyndarynda barlyǵy 36 medal enshilegen. Onyń ishinde 2-i altyn, 13-i kúmis, 21-i qola.
Olardyń arasynan 2014 jyly Eldos Smetov (60 keli) pen Dıdar Hamza (90 keli) chempıondyq tuǵyrǵa kóterildi.
Eske salsaq, budan buryn Azııa oıyndarynda bokstan el namysyn kimder qorǵaıtyny belgili boldy.
