Azııa oıyndarynda baq synaǵym keledi – tennısshi Jibek Qulambaeva

-Jibek, dúnıejúzilik reıtıngte jekeleı synda 441-orynda tursyń. Juptyq syn seniń oń jambasyńa keletin sekildi, qazir 201-satydasyń. Aldymen ótken maýsym nesimen este qaldy, soǵan toqtalsań?

-Jalpy, maýsym oıdaǵydaı ótti deýge bolady. Jekeleı jáne juptyq synda reıtıngilik kórsetkishimdi jaqsarttym. Juptyq synda birneshe ret jarys jeńimpazy atandym. ITF25 jáne ITF15 týrnırlerinde eki ret fınalǵa deıin jettim. Degenmen, maýsym sońynda jaraqat alyp, aıaǵyna deıin oınaı almadym.

-Ol ne jaraqat? Qatty mazalap júr ma?

-Tobyǵymnan jaraqat alyp edim. Qazir emdelip jatyrmyn.

-Emdelý qansha ýaqytqa sozylmaq?

-Eki aı. Onyń ústine qazir maýsymnyń aıaǵy bolǵandyqtan, úsh aı boıy jarysqa qatysa almaımyn.

-Sonda qańtar aıynda jattyǵyp, týrnırlerge daıyndala bastaısyń ba?

-Iá.

-Bıyl belgili qazaqstandyq tennısshi ıAroslava Shvedova tizginin ustaǵan ulttyq qurama alǵash ret komandalyq álem chempıonaty – Bıllı Djın Kıng kýboginiń fınaldyq kezeńinde óner kórsetti. Shotlandııanyń Glazgo qalasynda oınaı almasań da, komandamen birge boldyń. Qandaı áser aldyń?

-Bıyl ulttyq qurama sapynda eki ret boldym. Áýeli Bıllı Djın Kıng kýboginiń irikteý satysynda Astanadaǵy Ulttyq tennıs ortalyǵynda Germanııamen oınadyq. Onda juptyq synda elimizdiń birinshi raketkasy Anna Danılınamen birge óner kórsettim. Sodan keıin Glazgoǵa jol tústi. Árıne, qyzdarmen bir komandada bolyp, birge júrgen, birge jattyqqan óte paıdaly. Óıtkeni, olardyń bári de – kásibı sportshylar. Bári de jyldy jaqsy qorytyndylady. Ásirese, Elena Rybakınanyń «Úlken dýlyǵa» týrnıri – Ýımbldon jarysynyń chempıony atanǵany bárimizdiń mereıimizdi ósirdi. Sondyqtan olardan kóp nárseni úırenýge bolady. Óz sheberligińdi jetildire túsesiń.

-Qazirgi tańda óz deńgeıińdi qalaı baǵalaısyń? WTA 125 deńgeıindegi týrnırlerge qatysa alasyń ba?

-Juptyq deńgeıde baq synaýǵa daıynmyn dep oılaımyn. Jekeleı synda reıtıngtegi ornym ázirge múmkindik bermeıtin bolar. Sondaı-aq tájirıbesi mol, reıtıngi joǵary tennısshilermen oınap kórgen joqpyn. Negizinen ITF 25, 60 dodalarynda óner kórsetip júrmin. Onda deńgeı tómendeý.

-Ótken jyly Astanada WTA 250 týrnırine qatysyp kórdiń ǵoı. Qalaı oılaısyń, ITF jarystarynyń deńgeıi kóp tómen be?

-Men sol matchta bolashaq chempıon, belgııalyq Alıson Van Eıtvankke jol bergenimmen, barynsha qarsylyq kórsettim. Oıyn 4:6, 3:6 esebimen aıaqtaldy. Tym-táýir oınadym, degenmen mundaı jarystaǵy deńgeıdiń ózgeshe ekendigi baıqalyp turdy. Ol kez kelgen ýaqytta sheberligin kórsete aldy, al mende olaı bolǵan joq.

-Aldaǵy maýsymda qandaı maqsat-mindet qoıyp otyrsyń ózińe?

-Jańa jylda reıtıngide neǵurlym joǵarylap, óz oıynymdy barynsha jaqsartsam deımin. Eń bastysy, maýsym aldynda jemisti eńbektenip, durystap daıyndalý kerek. Sosyn maýsym boıy tabysty óner kórsetkim keledi.

-Aldaǵy jyly kúzde Qazaqstan sportshylary úshin basty jarystardyń biri – Azııa oıyndary ótetini belgili. Oǵan qatysý oıyńda bar ma?

-Árıne! Ulttyq quramaǵa alynsam, oınaýǵa daıynmyn. El namysyn abyroımen qorǵaýdan artyq ne bar!

-Áńgimeńe rahmet. Aldaǵy jyly sheberligińdi jetildirip, tabystarǵa qol jetkizýińe tilektespiz.

Jibek Qulambaeva 22 jasta, Almaty qalasynyń týmasy. Sporttyq jolynda ITF sanatyndaǵy týrnırlerde eki ret jekeleı synda jeńimpaz atanǵan. Oǵan qosa juptyq synda 19 tıtýlǵa qol jetkizgen.

Eske sala keteıik, budan buryn Qazaqstan quramasynyń alǵash ret Bıllı Djın Kıng kýboginiń fınaldyq kezeńine shyqqanyn jazǵan bolatynbyz.

Sondaı-aq tennısten álem chempıonatynda Qazaqstan Ulybrıtanııany jeńip ketti.

Tennısten álem chempıonatynda Qazaqstanmen matchta Ispanııa alǵa shyqty.

Qazaqstan quramasy Ispanııadan jeńilip, álem chempıonatynan shyǵyp qaldy.

Ataqty tennısshi Bıllı Djın Kıng Qazaqstan quramasymen kezdesti.

Qazaqstan áıelder quramasy irikteý satysynda Polshamen oınaıdy.

ıÝrıı Polskıı Polshamen matchta Qazaqstannyń jeńis úshin baryn salatynyn jetkizdi.

Elena Rybakına suhbatynda qazaqstandyqtardyń qoldaýyn únemi sezinip kelgenin aıtty.