Azııa oıyndarynan keıin Oraldyń «Aqjaıyǵy» Reseı birinshiligindegi oıyndaryn jalǵastyrady
ORAL. 2 aqpan. QazAqparat /Eljan Eraly/ - Astana men Almatyda ótip jatqan qysqy Azııa oıyndarynan keıin dopty hokkeıden Oraldyń «Aqjaıyǵy» Reseı chempıonaty birinshi lıgasyndaǵy oıyndaryn jalǵastyrady.
Qazaqstannyń eńbek sińirgen jattyqtyrýshysy Alekseı Nıkıshovtyń shákirtteri birinshi toptyń «A» jáne «B» tobynda úzdik shyqqan alty komandanyń qataryna qosylǵan bolatyn. Bul toptyń qazirgi týrnır kestesinde Saratovtyń «Ýnıversaly» 19 upaımen kósh bastasa, Monchegorskiniń «Kolskaıa GMK» komandasy 18 upaımen ekinshi, 12 upaı jınaǵan «Aqjaıyq» úshinshi orynda tur. Sondaı-aq bul syndarǵa «Mýrman» (Mýrmansk, 12 upaı), «Vympel» (Korolev, 6 upaı), «Cheremshan» (Dımıtrovgrad, 4 upaı) komandalary qatysady.
Búgin «Ýnıversal» men «Kolskaıa GMK» komandalary ózara kezdesedi.
