Azııa oıyndaryna M.Ótemisuly atyndaǵy Batys Qazaqstan ýnıversıtetiniń úsh birdeı stýdenti qatysady
ORAL. 17 qańtar. QazAqparat /Eljan Eraly/ - M.Ótemisuly atyndaǵy Batys Qazaqstan memlekettik ýnıversıtetiniń stýdentteri Nurbergen Jumaǵazıev, Ksenııa Motova, Inna Sımonova aldaǵy Azııa oıyndaryna qatysady.
Olar short-trekten Qazaqstan quramasy sapynda synǵa túsedi. Qazaqstannyń eńbek sińirgen jattyqtyrýshysy Mádiǵalı Qarsybekov baptaıtyn short-trekshiler quramasynyń negizin batysqazaqstandyqtar quraıtyny málim.
Ýnnıversıtet rektory, tarıh ǵylymdarynyń doktory, ózi de sportty súıetin Tuıaqbaı Rysbekovtiń aıtýynsha, oqý ornynda dene shynyqtyrýǵa erekshe kóńil bólinedi. Jyl saıyn ýnıversıtet oqytýshylary men stýdentteri arasynda «Densaýlyq» spartakıadasy uıymdastyrylady. Bıylǵy spartakıada jetinshi Azııa oıyndaryna arnaldy. Jarys qorytyndysynda jeńimpaz-júldegerlerge syılyqtar tabys etildi. Sondaı-aq pedagogıka jáne sport ardagerleri de umyt qalǵan joq.
