Azııa oıyndaryna biryńǵaı formasyz attanǵan basketbolshylarymyz nazdaryn bildirdi
ASTANA. QazAqparat - 8-20 tamyz aralyǵynda Lıvannyń Beırýt qalasynda basketboldan Azııa chempıonaty ótedi. Oǵan Qazaqstannyń ulttyq quramasy da qatysady, dep habarlaıdy Sports.kz .
Alaıda, jarys bastalmaı jatyp, qazaqstandyq basketbolshylar keleńsiz jaǵdaıǵa tap bolyp otyr. Quramanyń oıynshylary Aleksandr Jıgýlın men Vasılıı Savchenko Instagramǵa vıdeo júktep, onda komandanyń halyqaralyq báıgege biryńǵaı formasyz kelgenderin aıtty.
«Biz basketboldan 2017 jylǵy Azııa chempıonatynyń ashylý keshindemiz. Bul FIBA-nyń resmı jarystary. Baıqap otyrǵandaryńyzdaı, munda barlyq on alty-qatysýshy komanda bar jáne olardyń barlyǵy kıim-keshekpen qamtamasyz etilgen, qaı eldiń namysyn qorǵap otyrǵandaryn birden kórýge bolady. Olarǵa óz elderi úshin uıatty emes. Tipti, qazir soǵys júrip jatqan Sırııanyń óz formasy bar», - deıdi Jıgýlın.
«Osyǵan deıin biryńǵaı formaǵa, qaı eldiń atynan shyǵyp otyrǵanyńdy bildiretin kıim-keshekke qatysty problema bolǵan emes. Búgin árqaısymyz ózimizdiń týrıstik kıimimizde otyrmyz...Barlyǵy taıanyp, qaı jaqtan kelgenimizdi suraýda», - dep jazdy Savchenko.
Sports.kz-tiń atap ótýinshe, aqparat jarııalanyp jatqan sátte basketbolshylardyń akkaýnttarynan beınejazbalar alynyp tastaldy.
Týrnırdiń ózine keler bolsaq, aldyn ala kezeńde «S» tobynda Qazaqstanǵa qarsy Lıvan, Ońtústik Koreıa jáne Jańa Zelandııanyń quramalary oınaıtyn bolady. Aqtyq kezeńde ár topta ekinshi jáne úshinshi oryndardy ıelengen komandalar shırek fınalǵa jáne odan arǵy kezeńderge ótý úshin talasatyn bolady. Bul rette, árbir toptyń jeńimpazdary jarystyń fınaldyq kezeńine avtomatty túrde ótip otyrady.
Qazaqstan quramasynyń Azııa chempıonattarynda kórsetken eń úzdik nátıjesi 2007 jyly boldy. Onda sportshylarymyz tórtinshi oryn alǵan edi.
