Azııa oıyndaryna baratyn qazaqstandyq boksshylardyń esimderi belgili boldy
ALMATY. QazAqparat - Bokstan Qazaqstan ulttyq qurama komandasynyń bas bapkeri Myrzaǵalı Aıtjanov aldaǵy qyrkúıek aıynda Ońtústik Koreıanyń Inchhon qalasynda ótetin Azııa oıyndaryna baratyn boksshylardyń esimderin atady.
Sonymen, bıylǵy jyldyń eń mańyzdy sporttyq sharasy - Azııa oıyndarynda el namysyn myna bylǵary qolǵap sheberleri qorǵaıtyn bolady:
49 keli: Birjan Jaqypov (2013 jylǵy álem chempıony, 2005 jyly ótken Álem chempıonatynyń kúmis júldegeri, 2010 jylǵy Azııa oıyndarynyń kúmis júldegeri). 52 keli: Іlııas Súleımenov (2011 jylǵy Azııa birinshiliginiń kúmis júldegeri). 56 keli: Qaırat Eralıev (2013 jylǵy álem birinshiliginiń qola júldegeri). 60 keli: Berik Ábdirahmanov (2013 álem birinshiliginiń qola júldegeri, 2013 jylǵy Azııa chempıony). 64 keli: Aıdar Ámirzaqov (2011 jylǵy Azııa chempıony). 69 keli: Danııar Eleýsinov (2013 álem birinshiliginiń, 2010 jylǵy Azııa oıyndarynyń jáne 2013 jylǵy Azııa chempıonatynyń jeńimpazy). 75 keli: Jánibek Álimhanuly (2013 jylǵy Álem jáne Azııa birinshilikteriniń jeńimpazy). 81 keli: Ádilbek Nııazymbetov (2012 jylǵy London Olımpıadasynyń, 2011 jáne 2013 jylǵy álem birinshiliginiń jáne 2013 jylǵy Azııa chempıonatynyń kúmis júldegeri). 91 kelige deıin: Anton Pınchýk (2013 jylǵy Azııa chempıony). 91 keliden joǵary: Ivan Dychko (2012 jylǵy London Olımpıadasynyń qola júldegeri, 2013 jylǵy álem birinshiliginiń kúmis júldegeri, 2011 jylǵy álem birinshiliginiń qola júldegeri, 2010 jylǵy Azıada oıyndarynyń júldegeri jáne 2013 jylǵy Azııa chempıon).
Boksshylardyń arasynda tek Birjan Jaqypov pen Ivan Dychko ǵana buǵan deıin (2010 jyly) Azııa oıyndaryna qatysqan.
