Azııa oıyndaryn ótkizý - Qazaqstannyń álem sporty aldyndaǵy bıik bedeliniń kórsetkishi - QR Prezıdenti
TY. Maýsymnyń 3-i. QazAqparat /Názıra Eleýhan/ -Azııa oıyndaryn ótkizý - Qazaqstannyń álem sporty aldyndaǵy bıik bedeliniń kórsetkishi. Bul týraly búgin Elbasy Nursultan Nazarbaev Almatydaǵy rezıdentsııasynda 2011 jylǵy Azııa oıyndaryna arnalǵan keńes barysynda aıtty.
«Bizdiń elimiz Azıada ıdeıasyn alǵa jyljytýda jańa bıik maqsattarǵa jetedi jáne bul baǵytta aldyǵa qoıǵan mindetterdi sátti oryndaıdy dep oılaımyn», dedi Elbasy óz sózinde.
Buǵan deıin habarlanǵandaı, QR Sport jáne týrızm mınıstri Temirhan Dosmuhanbetov, Almaty qalasynyń ákimi Ahmetjan Esimov, Almaty oblysynyń ákimi Serik Úmbetovtyń qatysýymen ótken keńes barysynda Elbasyna Azııa oıyndaryna daıyndyq jumystary týraly baıandaldy.
