Azııa oıyndaryn nasıhattaý maqsatynda «Qazaqstan-Reseı-Fınlıandııa» baǵytymen saparlaǵan avtokolonna Astanaǵa oraldy
STANA. Tamyzdyń 5-i. QazAqparat /Gúlmıra Álıakparova/ - Búgin Astanaǵa VII Qysqy Azııa oıyndaryn nasıhattaý maqsatynda «Qazaqstan-Reseı-Fınlıandııa» elderi arasyndaǵy qashyqtyqty eńserip ótken avtokolonna kelip jetti.
Ótken shilde aıynyń 19-y kúni Astanadan baǵyt alǵan avtosherýge qatysýshylar barlyǵy 9 myń shaqyrym joldy júrip ótti.
«Jol ońaı bolǵan joq. Reseı arqyly qaıtyp kele jatqanymyzda onyń aýmaǵyndaǵy órt pen qalyń tútin biraz ábgerge saldy. Degenmen, Qazaqstanda ótetin 7-shi Qysqy Azııa oıyndaryn nasıhattaý mindetimizdi abyroımen oryndap keldik dep aıta alamyn», - dedi avtosherýge qatysýshy Andreı Amelın.
A.Amelınniń sózine qaraǵanda, ashyq boıaýlarmen bezendirilgen kólikter Eýropa men Reseıde jurtshylyqtyń nazaryn aýdartty. «Eýropada turǵyndardyń birazy bizdiń kóılegimizdegi «Astana» tańbasyn kórip, ony birden Alberto Kontadormen baılanystyryp jatty. Sondyqtan, kópshilik tanymaldylyǵyna jetý úshin bizge sportty kóterý qajet dep oılaımyn», - dep atap ótti ol.
Sherý Azııa oıyndaryna daıyndyq jónindegi astanalyq dırektsııa men Azııa oıyndary Alaý estafetasy dırektsııasynyń sondaı-aq, «Nur Otan» HDP men «Sport Rasing Club» qoǵamdyq birlestiginiń uıymdastyrýymen ótti.
