Azııa oıyndary: Sý dobynan QR erler quramasynyń qarsylastary anyqtaldy
ASTANA. QazAqparat – Qytaıda sý dobynan ótetin Azııa oıyndarynda Qazaqstan erler quramasynyń qarsylastary anyqtaldy, dep habarlaıdy QazAqparat tilshisi.
Týrnır 25 qyrkúıek – 8 qazan aralyǵynda Hanchjoý qalasynda ótedi.
El quramasy 2-7 qazan aralyǵynda óner kórsetedi. Jarysqa kelgen barlyǵy 8 qurama eki topta sheberlik baıqasady.
Qazaqstandyq sportshylar V tobynda synǵa túsedi. Olar aldymen, 2 qazanda – Gonkong, 3 qazanda – Japonııa, 4 qazanda Sıngapýrmen oınaıdy.
Odan keıin 5 qazanda shırek fınal, 6 qazanda jartylaı fınal bolady. Al 7 qazan kúni qola medal úshin talas pen aqtyq saıys ótedi.
Aıta keteıik, jarys barysynda 2024 jylǵy Parıj Olımpıadasyna joldamalar sarapqa salynady.
Sý dobynan elimizdiń erler quramasy Azııa oıyndaryna 1994 jyldan beri qatysyp keledi. 2006 jyly qola júldeger bolsa, qalǵanynda chempıondyq ataqqa qol jetkizdi.
Eske salsaq, budan buryn Azııa oıyndarynda sý dobynan Qazaqstan áıelder quramasynyń qarsylastary anyqtalǵanyn jazǵan edik.
