Azııa oıyndary: Sý dobynan QR áıelder quramasynyń qarsylastary anyqtaldy
ASTANA. QazAqparat – Qytaıdyń Hanchjoý qalasynda Azııa oıyndarynda cý dobynan Qazaqstan áıelder quramasynyń qarsylastary anyqtaldy, dep habarlaıdy QazAqparat tilshisi.
Azııa oıyndarynda sý dobynan oıyndar 25 qyrkúıek pen 7 qazan aralyǵynda ótedi.
Qazaqstandyq sportshylar V tobynda synǵa túsedi. Qarsylastary – Qytaı, Indonezııa, Japonııa, Taıland.
El quramasy 25 qyrkúıekte Taılandpen sheberlik baıqassa, 27 qyrkúıekte Qytaı, 29 qyrkúıekte Indonezııamen kezdesedi. Al 3 qazanda Japonııamen oınaıdy.
Odan keıin pleı-off, jartylaı fınal oıyndary ótkiziledi. Fınal 7 qazanǵa belgilengen.
Qazirge deıin Ońtústik Koreıa – 5, Qytaı – 3, Japonııa men Úndistan , bir-bir márteden chempıon atandy.
Sý dobynan QR sportshylary bıyl besinshi márte baq synaıdy. Qazirge deıingi joǵary jetistigi – 1998 jáne 2014 jyldardaǵy altynshy oryn.
Eske salsaq, budan buryn Azııa oıyndarynda baq synaıtyn elimizdiń dzıýdodan erler quramasy belgili boldy.
