Azııa oıyndary nysandarynyń josparlanǵan jóndeý jumystary 60 paıyzǵa oryndaldy
ASTANA. Qańtardyń 18-i. QazAqparat /Marlan Jıembaı/ - 2011 jyly elimizde ótetin qysqy Azııa oıyndary nysandarynyń josparlanǵan jóndeý jumystarynyń 60 paıyzy oryndaldy. Atalǵan jumystarǵa 48 mıllıard teńge jumsalsa, 2010 jyly 33 mıllıard teńgeni ıgerý josparlanyp otyr.
Bul týraly búgin Sport jáne týrızm vıtse-mınıstri Talǵat Ermegııaev málim etti.
«Biz Azıadanyń negizgi nysandaryn aǵymdaǵy jyly shilde aıynda tapsyramyz. Osyǵan oraı taıaý kúnderi qysqy oıyndar nysandarynyń barlyǵy boıynsha testik jarystardyń tizbesi jasalady», dedi óz sózinde vıtse-mınıstr.
Onyń aıtýynsha, testik jarystar ótkizýge daıyndyq sheńberinde sporttyq federatsııalarmen, tóreshiler brıgadasymen, sondaı-aq jarystyń halyqaralyq menedjerlerimen tııanaqty jumystar júrgizilmek.
Qańtardyń 15-inde Úkimet basshysy Kárim Másimovtiń tóraǵalyǵymen Azıadanyń uıymdastyrý komıtetiniń otyrysy ótkenin aıtqan vıtse-mınıstrdiń sózine qaraǵanda, alqaly jıynda sporttyq nysandardyń qurylysyn aıaqtaý jáne jóndeý máseleleri, alaýdy alyp júrý, oıyndardyń ashylý jáne jabylý rásimderi sııaqty mańyzdy jaıttar talqylanǵan.
