Azııa oıyndary: M.Elıseeva Qazaqstan qorjynyna alǵashqy altyn saldy
ASTANA. QazAqparat - Ońtústik Koreıanyń Inhchon qalasynda alaýy tutanǵan Azııa oıyndaryna áıelder arasynda 48 keli salmaqta óner kórsetken qazaqstandyq aýyr atletshi Margarıta Elıseeva altyn medal ıelendi.
M.Elıseeva julqa kóterý synynyń bastapqy tapsyrysynda 82 kelini erkin kóterse, odan keıingi múmkindikterinde 86, 87 kelilik ziltemirdi erkin baǵyndyryp, bul jattyǵýda óziniń úzdik ekendigin dáleldegen bolatyn.
Al serpe kóterý saıysynda 101, 107 kelini erkin eńsergen sportshymyz eki saıystyń qorytyndysy boıynsha 194 kelini baǵyndyryp Azııa oıyndarynyń chempıony atandy.
