Azııa oıyndary kezinde Almatyda qala turǵyndary men qonaqtaryna 1766 avtobýs, 28 tramvaı, 114 trolleıbýs qyzmet kórsetedi
ALMATY. 27 qańtar. QazAqparat /Erlik Erjanuly/ - 7-Qysqy Azııa oıyndary kezinde Almatyda qala turǵyndary men qonaqtaryna 113 avtobýs, 11 trolleıbýs pen 2 tramvaı baǵytynda 1776 avtobýs, 28 tramvaı, 114 trolleıbýs qyzmet kórsetedi.
Qalalyq ákimdiktiń baspasóz qyzmeti taratqan habarlamaǵa qaraǵanda, Raıymbek dańǵyly men Jankeldın, Gogol, Qonaev kósheleri sharshy aýmaǵy tártip engizý maqsatynda qoǵamdyq kólikten bosatylady.
Jalpy Azııa oıyndaryn tamashalaýshylar úshin sport merekesi kúnderi qosymsha 6 baǵyt ashylyp otyr. Onda 78 avtobýs qyzmet jasamaq. Mýnıtsıpıaldyq avtobýs parkiniń avtobýstary Azııa oıyndarynyń qatysýshylaryn tasymaldaýǵa tartylýda. Sondaı-aq 10 taksomotor tasymaldaýshylary radıobaılanyspen qamtamasyz etilgen jáne bekitilgen arnaıy tús belgimen árlengen 500 avtomobılmen qyzmet kórsetetin bolady. Sport jarystary ótetin nysandarǵa qatynaıtyn arnaıy baǵyttyq kólikterde jolaqy qala ishinde - 70 teńge, al «Saıahat» avtobeketinen «Tabaǵan» sporttyq-saýyqtyrý keshenine - 200 jáne Soldat saıyndaǵy shańǵy-bıatlon stadıonyna 350 teńge kóleminde bolmaq.
