Azııa oıyndary Qazaqstannyń álemdik mańyzy bar sharalardy joǵary deńgeıde ótkize alatynyn kórsetti - S.Imanǵalıeva, BQO
ORAL. 7 aqpan. QazAqparat /Eljan Eraly/ - Astana men Almatyda márege jetken jetinshi qysqy Azııa oıyndary Qazaqstannyń álemdik mańyzy bar sharalardy joǵary deńgeıde ótkize alatynyn kórsetti.
Bul týraly Oral qalalyq bilim berý ardagerleri keńesiniń tóraıymy Sofıa Imanǵalıeva málim etti. Ol eri, óńirge tanymal eńbek ardageri Dárjan Tileshuly ekeýi oblys delegatsııasy quramynda Astanada Azııa oıyndarynyń ashylýyna qatysqan.
«Biz Azııa oıyndarynyń tamasha uıymdastyrylǵanyn kózimizben kórdik. Osyndaı ǵajaıypty kórip turyp, keýdemizdi maqtanysh sezimi kernedi. Bul jarys Elbasymyz Nursultan Nazarbaevtyń bastaýymen Qazaqstannyń táýelsizdik alǵan jıyrma jyl ishinde qalaısha jańaryp, túlegenin búkil álemge tanytty. Astanada ótken EQYU sammıti, qysqy Azııa oıyndary árbir qazaqstandyqtyń kóńilin kókke kótergen tarıhı oqıǵaǵa aınaldy. Elbasymyz Qazaqstannyń bolashaqta qysqy olımpıadalyq oıyndardy da oıdaǵydaı ótkize alatynyn atap kórsetti. Endi buǵan bárimiz de úles qosa bilýimiz kerek. Sportpen jastaıymnan aınalysqan adam retinde aıtarym, árkim óz denesin shynyqtyrýǵa kóńil bólýi tıis. Sondaı-aq jelkildep ósip kele jatqan jas urpaqtyń arasynan daryndylaryn taýyp, sport túrlerine baýlý isin erte bastan, ár qalada, aýyl-aımaqta qolǵa alý qajet», - dedi ardager.
