Azııa oıyndary: Qazaqstandyq voleıbolshylardyń qarsylastary anyqtaldy
Qytaıdyń Hanchjoý qalasynda ótetin XIX jazǵy Azııa oıyndaryna qatysatyn voleıboldan Qazaqstan erler jáne áıelder quramalarynyń qarsylastary belgili boldy, dep habarlaıdy QazAqparat tilshisi.
Dúbirli doda 23 qyrkúıek pen 8 qazan aralyǵynda ótedi.
Azııa oıyndarynde erler arasynda voleıboldan 19 qurama qatysady. Qazaqstandyq voleıbolshylar A tobynda synǵa túsedi. Qarsylastary - Qytaı men Qyrǵyzstan.
2018 jyly Indonezııa astanasy Djakartada bolǵan Azııa oıyndarynda elimizdiń erler quramasy jalpy esepte 17-oryndy mise tutty.
Al elimizdiń áıelder quramasy jerebe boıynsha D tobynda Japonııa, Gonkong pen Aýǵanstanmen sheberlik baıqasady.
2018 jyly Qazaqstan áıelder quramasy jalpy esepte 5-orynǵa turaqtady.
Eske salsaq, budan buryn Azııa oıyndarynda Parıj Olımpıadasyna qaı sport túrinen joldama beriletini belgili boldy.
