Azııa oıyndary qarsańynda salynǵan barlyq sport nysandary qazirgi zaman talabyna saı dep oılaımyn - HOK Prezıdenti
arat /Erlik Erjanuly/ - Halyqaralyq olımpıada komıtetiniń prezıdenti Jak Rogge búgin Almatyda 7-Qysqy Azııa oıyndary ótip jatqan sport nysandaryn aralaýda.
Buǵan deıin Astanada bolǵan qurmetti meıman qaladaǵy sport nysandaryna kóńili tolǵanyn jáne Azııada oıyndarynyń óte joǵary deńgeıde uıymdastyrylǵanyn erekshe atap ótti.
«Qazir shańǵymen tuǵyrdan sekirý keshenin kórip otyrmyn. Qalanyń ortasynda óte keremet salynypty. Bul sportshylardyń jattyǵý ótkizýine de óte qolaıly. Jalpy, Qazaqstandaǵy 7-Qysqy Azııa oıyndary qarsańynda salynǵan sport nysandardyń bári zamanaýı talapqa saı dep oılaımyn. Qazaqstan sporttyń damýyna kóp kóńil bólip jatyr», - deıdi Halyqaralyq Olımpıada komıtetiniń prezıdenti Jak Rogge.
Onyń aıtýynsha, Qytaı, Katar, Reseıde ótken baıraqty iri básekeler munda sporttyń joǵary qarqynmen damyp kele jatqanyn ańǵartty. Bul baǵytta Qazaqstanyń da múmkindigi óte orasan.
