Azııa oıyndary-2018: Sadaq atýdan 16 sportshy el namysyn qorǵaıdy
ASTANA. QazAqparat - Sadaq atýdan Qazaqstan ulttyq quramasynyń bas bapkeri Grıgorıı Kım jazǵy Azııa oıyndaryna qatysatyn sportshylar tizimin jarııalady, dep jazady Olympic.kz.
Bas bapkerdiń aıtýynsha, búginde sadaq atýshylar Aqbulaq sport bazasynda Azıada aldyndaǵy sońǵy jattyǵý jıyndaryn ótkizip jatyr.
"Ulttyq quramanyń daıyndyǵy jospar boıynsha ótip jatyr. Djakartaǵa 18 tamyz kúni ushyp ketemiz, al jarys 21 tamyzda bastalady. Komandanyń úzdigi dep Denıs Gankındi, Sanjar Musaevty aıtýǵa bolady. Jalpy alǵanda, sadaq atýshylardyń deńgeıi Azııada óte joǵary. Sońǵy Berlınde ótken Álem Kýbogy kezeńinde úzdik bestiktiń úsheýi, úzdik segizdiktiń beseýi azııalyqtar boldy. Ońtústik Koreıa, Japonııa, Úndistan, Malaızııa sportshylarynyń bási joǵary. Qarsylastar qarymdy bolsa da, biz medal alamyz degen maqsatymyzdan bas tartpaımyz", - deıdi bas bapker.
Azııa oıyndaryna qatysatyn sadaq atýshylar tizimi:
Denıs Gankın
Sultan Dúzelbaev
Ilfat Abdýllın
Sanjar Musaev
Alına Ilıasova
Farıda Týkebaeva
Qarakóz Asqarova
Lýıza Saıdıeva
Aqbaráli Qarabaev
Pavel Fısher
Sergeı Hrıstıch
Konstantın Solodovnıkov
Dıana Makarchýk
Adel Jeksınbınova
Vıktorııa Lıan
Nına Dýdareva
