Azııa oıyndary-2017: Jeńil atletterimiz jarysty jalpy esepte birinshi orynmen aıaqtady

ASTANA. QazAqparat - Ashhabad qalasynda ótip jatqan jabyq keshendegi Azııa oıyndarynda jeńil atletterdiń saıysy aıaqtaldy, dep habarlaıdy QazAqparat tilshisi.

QR Jeńil atletıka federatsııasynyń taratqan málimetine súıensek, Qazaqstan jeńil atletteri sarapqa salynǵan 26 medaldiń ishinen 6 altyn, 1 kúmis, 3 qola medal jeńip alyp, komandalyq esepte birinshi oryndy jeńip aldy aldy.

Ekinshi orynǵa  5 altyn, 2 kúmis, 1 qola medal ıelengen úndistandyq jeńil atletter ıe bolsa, úzdik úshtikti 2  altyn, 3 kúmis ıelengen Saýd Arabııasy túıńndedi. Jalpy Ashhabadta 19 eldiń jeńil atletteri júldege ilikti.      

Qazaqstannyń atynan Túrikmenstanda 14 atlet óner kórsetti. Erler - ıadro serpý, syryqpen sekirý, bıiktikke sekirý, 400 metrge júgirý, 4h400 metrlik estafeta; áıelder - uzyndyqqa sekirý, úsh qarǵyp sekirý, 60 metrge júgirý, 400 metrge júgirý, 60 metrge tosqaýyldar arqyly júgirý jáne 4h400 metrlik estafeta saıystary boıynsha qatysty.

Olımpıada chempıony Olga Rypakova uzyndyqqa jáne úsh qarǵyp sekirýden top jardy. Sondaı-aq, altyn alǵandardyń qatarynda Ivan Ivanov (ıadro serpý), Sergeı Grıgorev (syryqpen sekirý), Vıktorııa Zıabkına (60 metrge júgirý), Elına Mıhına (400 metrge júgirý) bar.

Jalǵyz kúmis medal úsh qarǵyp sekirýshi Marııa Ovchınnıkovanyń enshisinde.

Qola júldege Olga Safronova (60 metrge júgirý), Anastasııa Vınogradova (60 tosqaýyldar arqyly júgirý), Mıhaıl Lıtvın ( 400 metrge júgirý) ıe boldy.