Azııa oıyndarynyń júldegerleri men qatysýshylary Almatyǵa oraldy
ALMATY. KAZINFORM — Búgin Almaty halyqaralyq áýejaıynda Japonııada ótip jatqan XX jazǵy Azııa oıyndaryndaǵy jarysyn aıaqtaǵan Qazaqstan ulttyq quramasynyń sportshylaryn qarsy aldy. Bul týraly Almaty qalasy sport basqarmasynyń ókilderi habarlady.
Ulttyq quramamen birge Almatyǵa Azııa oıyndarynyń almatylyq júldegerleri de oraldy. Aýyr atletıkadan 77 kelige deıingi salmaq dárejesinde Aıanat Jumaǵalı jáne sporttyq júristen jartylaı marafonda Krıstına Morozova kúmis medal jeńip aldy. Al kýrashtan 81 kelige deıingi salmaq dárejesinde Ádilet Ahmetǵalı qola júldeger atandy.
Sondaı-aq, Almatyǵa sporttyq júristen marafonda Qazaqstan ulttyq quramasynyń sapynda óner kórsetken almatylyq sportshy ıAsmına Toqsanbaeva oraldy.
Olarmen birge Qazaqstannyń jeńil atletıkadan ulttyq quramasynyń ókilderi, sonyń ishinde Azııa oıyndarynyń kúmis júldegerleri Krıstına Ovchınnıkova men Nora Djerýto Tanýı da keldi.
Almaty halyqaralyq áýejaıynda sportshylardy saltanatty túrde qarsy aldy. Azııa oıyndarynyń qatysýshylary men júldegerlerin qarsy alýǵa Almaty qalasy sport basqarmasynyń basshysy, sport qaýymdastyǵynyń ókilderi, jattyqtyrýshylar, sportshylardyń týǵan-týystary men jaqyndary, sondaı-aq kóptegen jankúıer jınaldy.
Kópshilik sportshylardy ystyq yqylaspen qarsy alyp, júldegerlerdi jeńip alǵan medaldarymen quttyqtady.
Aıta keteıik, Japonııada XX jazǵy Azııa oıyndary áli jalǵasyp jatyr. Qazaqstan quramasynyń birqatar sportshysy jarysyn jalǵastyryp, aldaǵy kúnderi júlde úshin synǵa túsedi.
