Azııa oıyndarynyń júldegerleri Almatyǵa oraldy

Almaty halyqaralyq áýejaıyna sportshylardy ákimdik pen federatsııalar ókilderi, olardyń týǵan-týystary men dostary saltanatty túrde qarsy aldy.

Elge oralǵan otandastarymyzdyń qatarynda aýyr atletıkadan Azııa oıyndarynyń kúmis júldegerleri Nurǵısa Ádiletuly jáne Aıanat Jumaǵalı, jeńil atletıkadan Azıadanyń kúmis júldegerleri Krıstına Morozova (jartylaı marafon qashyqtyǵyndaǵy sporttyq júris), Krıstına Ovchınnıkova (bıiktikke sekirý), Nora Djerýto (300 m kedergiler arqyly júgirý), kýrashtan Azııa oıyndarynyń qola júldegeri Ádilet Ahmetǵalı, sondaı-aq marafondyq sporttyq júristen synǵa túsken jeńil atlet ıAsmına Toqsanbaeva bar.

Áýejaıda sportshylar BAQ ókilderine suhbat berip, óz áserlerimen bólisti. Olardyń biri - Nurǵısa Ádiletuly boldy.

- Bul jarysqa jyl basynan beri daıyndaldyq deýge bolady. Altynǵa kishkene jetpedi, kúmis aldyq. Endi kóp demalýǵa ýaqyt joq. Jaqynda Qytaıda álem chempıonaty, soǵan Shymkentte oqý-jattyǵýdy bastaımyz. Basty maqsatym - Olımpıadaǵa joldama alyp, onda altyn jeńý. Qateliktermen jumys istep, osy maqsatty eńbek etemiz, - dedi Azıadanyń kúmis júldegeri.

Kýrashtan Azııa oıyndarynyń qola júldegeri Ádilet Ahmetǵalı da Japonııadaǵy jarystan keıin kelesi dodaǵa daıyndyqty bastaıtynyn aıtty.

- Almaty qalasynda bizdi jaqsy kútip aldy. Azııa oıyndarynda qola júlde jeńip aldym. Altyn úshin bardyq, biraq buıyrǵany osy boldy. Jalpy jarys joǵary deńgeıde ótti. Aldaǵy josparym, Astanada ótetin álem chempıonatynda jeńiske jetý, - dedi ol.

Eske salaıyq, búgin dzıýdoshy Ádilet Almat alǵash ret jazǵy Azıadanyń kúmis júldegeri atandy.

Sondaı-aq Esmıgýl Kýıýlova osymen ekinshi ret dzıýdodan Azıadanyń qola júldesin aldy.

Jibek Qulymbetova djıý-djıtsýdan Azıadanyń qola júldesin jeńip aldy.

Al Nurjan Batyrbekov djıý-djıtsýdan kúmis júlde enshiledi.