Azııa oıyndarynyń búgingi nátıjesi: qazaqstandyq jas sportshylar 10 medal jeńip aldy

ASTANA. KAZINFORM – Bahreınde ótip jatqan III jasóspirimder arasyndaǵy Azııa oıyndarynda qazaqstandyq sportshylardyń 24 qazan kúngi nátıjeleri jarııalandy, jerlesterimiz 10 medal jeńip aldy.

Quramanyń qorjynynda – 2 altyn, 2 kúmis jáne 6 qola medal bar.

Altyn medal ıegerleri:

– Veloshosse boıynsha aralas komandalyq jarysta Qazaqstan quramasy úzdik atandy. El namysyn qorǵaǵan Danıl Tretıakov, Kırıll Polyshev, Rınat Erik, Anel Tashbaı, Irına Ivanovskaıa jáne Valerııa Kýznetsova altynnan alqa taqty.
– Aıym Serikbaeva taekvondodan (44 kg deıingi salmaq dárejesinde) qarsylastaryn jeńip, chempıon atandy.

Kúmis medal ıegerleri:
– Ramazan Aınegov trıatlonnan (sýpersprınt, 27:11) ekinshi oryndy ıelendi.
– Vıktorııa Melnıkova jeńil atletıkadan 1500 metrge júgirýde (4:51.61) kúmis júldege qol jetkizdi.

Qola medal ıegerleri:
– Gleb Klepının – úsh qarǵyp sekirýden (14,38 m);
– Alııa Azızova – penchak sılattan (51–55 kg);
– Amır Serik – MMA (65 kg deıin);
– Daryn Mýstafın – MMA (70 kg deıin);
– Gúljaına Ahtanova – MMA (55 kg deıin);
– Býnıad Bahramqulov – taekvondodan (48 kg deıin).

Bahreınde ótip jatqan Azııa oıyndary jas sportshylardyń halyqaralyq deńgeıdegi tájirıbesin shyńdap, el quramasynyń áleýetin aıqyndaı tústi.

Qazirgi tańda Qazaqstan quramasy jalpykomandalyq esepte turaqty túrde úzdikter qatarynda keledi.

Aıta keteıik, Qazaqstandyq jeńil atletter Manamadaǵy Azııa oıyndarynyń fınalynda baq synaıdy.