Azııa oıyndaryndaǵy sapasyz forma: Sportty damytý dırektsııasynyń basshysy qamaýǵa alyndy
Qarjy monıtorıngi agenttiginiń elordalyq departamenti Týrızm jáne sport mınıstrligi janyndaǵy Sportty damytý dırektsııasynyń laýazymdy tulǵalaryna qatysty asa iri mólsherde aqsha urlaý faktisi boıynsha sotqa deıingi tergep-tekserýdi bastady.
2022 jyly Qazaqstan quramasynyń Azııa oıyndaryna qatysýy úshin Qytaıda jasalǵan sapasy óte tómen sporttyq aıaq kıim men rıýkzaktar satyp alyndy.
Bul rette onyń quny úsh ese kótermelengen.
Sonymen qatar, jetkizýshi atalǵan taýardyń otandyq ónim ekeni jaıly jalǵan qujattardy usynǵan.
Saldarynan memleketke 383 mln teńge shyǵyn kelgen.
Eske sala keteıik, Qazaqstan quramasynyń ókilderi buǵan deıin berilgen jabdyqtardyń sapasyna shaǵymdanyp, ony "bir rettik" dep ataǵan bolatyn.
Sot sanktsııasymen Dırektsııa basshysynyń orynbasary qamaýǵa alyndy.
QPK-niń 201-babynyń talaptaryna sáıkes sotqa deıingi tergep-tekserýdiń ózge de derekteri jarııalanbaıdy.
