Azııa oıyndarynda jartylaı fınalǵa qazaqstandyq bes boksshy shyqty
ASTANA. KAZINFORM — 2026 jylǵy Azııa oıyndarynda 28 qyrkúıekte Qazaqstan quramasynan Mahmud Sabyrhan jartylaı fınalǵa shyqty.
El quramasynan Mahmud Sabyrhan (55 keli) qytaılyq Jaeng Shınmen qolǵap túıistirdi. Tartysty ótken jekpe-jekte otandasymyz jartylaı fınalǵa joldama aldy.
Al Nurbek Oralbaı (90 keli) 1/8 fınalda ózbekstandyq Týrabek Habıbýllaevqa ese jiberip qoıdy. Nátıjesinde ózbekstandyq boksshy jartylaı fınal joldamasyna qol jetkizdi.
Aıta ketsek, el quramasynan Tórehan Sabyrhan (70 keli), Natalıa Bogdanova (75 keli), Alýa Balqybekova (51 keli), Aıbek Oralbaı (90 keliden joǵary) jartylaı fınal joldamasyna qol jetkizdi.
Qazirge deıin el quramasynan Orazbek Asylqulov (60 keli), Sabyrjan Aqqalyqov (80 keli), Nazym Qyzaıbaı (54 keli), Vıktorııa Grafeeva (60 keli), Aıda Ábikeeva (55 keli) jarys jolynan shyǵyp qaldy.
Aıta ketsek, qazirge deıin el quramasynan qazaqstandyq boksshylar Azııa oıyndarynda sońǵy ret 2014 jyly Inchhonda altyn medal jeńip alǵan. Budan keıin Djakartadaǵy 2018 jylǵy jáne Hanchjoýdaǵy 2023 jylǵy Azııa oıyndarynda qazaqstandyq boksshylar altyn júldesiz qalǵan.
