Azııa oıyndarynda sońǵy synǵa túsken at sportynyń ókilderi júldege ilige almady
ASTANA. KAZINFORM - Qazaqstan quramasy Aıchı men Nagoıada (Japonııa) ótken 2026 jylǵy Azııa oıyndaryndaǵy jarystaryn aıaqtady, dep habarlaıdy Ulttyq olımpıada komıteti.
Ulttyq qurama sapynan sońǵy bolyp at sportynyń ókilderi synǵa tústi. 4 qazanda bıiktigi 1,50 metrge deıingi kedergilerden ótý baǵdarlamasy boıynsha jekeleı konkýrdyń A sanatyndaǵy fınaldyq jarysynyń ekinshi kezeńi ótti.
Oleg Sokolenko Cinderella atty atpen óner kórsetip, jarysty 14-orynmen aıaqtady. Al Quibelle Van D’Abelendreef atty atqa mingen Nurıla Turysbekova ekinshi kezeńde belgilengen baǵytty tolyq júrip óte almady.
Jarys qorytyndysy boıynsha Qapella atty atpen óner kórsetken Qatar ókili Faleh Aladjamı jeńimpaz atandy.
BAÁ shabandozy Abdýlla Almheırı Hudson de Vains atty atpen ekinshi oryn alsa, Saýd Arabııasynyń sportshysy Haled Almobtı Diana du Plevau Z atty atpen úzdik úshtikti túıindedi.
Osylaısha, Qazaqstan quramasy 2026 jylǵy Azııa oıyndaryn 84 medalmen aıaqtady. Onyń ishinde 12 altyn, 24 kúmis jáne 48 qola júlde bar.
