Azııa oıyndarynda Qazaqstan qorjynyna ekinshi «altyn» tústi
El quramasy Azııa oıyndarynda ekinshi altyn medaldi jeńip aldy, dep habarlaıdy QazAqparat.
Týrızm jáne sport mınıstrliginiń málimetinshe, 10 metr qashyqtyqtan jyljymaly nysanaǵa oq atý saıysynda 18 jastaǵy Zýhara Irnazarova chempıon atandy. Otandasymyz 560 upaı jınap, Soltústik Koreıadan kelgen eki mergennen ozyp ketti.
Bul – Azıadadaǵy elimizdiń ulttyq quramasy úshin ekinshi altyn medal.
Esterińizge sala keteıik, keshe Ásem Orynbaı, Zoıa Kravchenko jáne Olga Panarınadan jasaqtalǵan stend atýdan Qazaqstannyń áıelder komandasy «skıt» jattyǵýynda altyn medal jeńip alyp, Azııa oıyndarynyń rekordyn 350 balǵa jetkizdi.
«Keremet nátıje! Zýhrany kez kelgen sportshy úshin mańyzdy jeńisimen quttyqtaımyn! Bul ol úshin sońǵy jetistik emes ekenine senimdimin», - dedi Týrızm jáne sport mınıstri Ermek Marjyqpaev.
