Azııa oıyndarynda qaı elden qansha boksshy shyqty
ASTANA. KAZINFORM - Japonııada ótip jatqan jazǵy Azııa oıyndarynda bokstan jartylaı fınalǵa qaı elden qansha boksshy shyqqany belgili boldy.
Qurlyqtyq básekede el quramasynan 1/2 fınalda qazaqstandyq bes boksshy synǵa túsetin boldy. Olardyń qatarynda Mahmýd Sabyrhan (55 keli), Tórehan Sabyrhan (70 keli), Natalıa Bogdanova (75 keli), Alýa Balqybekova (51 keli), Aıbek Oralbaı (90 keliden joǵary) bar.
Endi jartylaı fınalda Ózbekstan men Qytaı - 7, Úndistan - 6, Qazaqstan - 5, Japonııa - 4, Tájikstan, Ońtústik Koreıa, Soltústik Koreıa, Iordanııa, Vetnam, Taıpeı - 2, Fılıppın, Iran jáne Taılandtan 1 boksshy synǵa túsedi.
Qazirge deıin el quramasynan Orazbek Asylqulov (60 keli), Sabyrjan Aqqalyqov (80 keli), Nazym Qyzaıbaı (54 keli), Vıktorııa Grafeeva (60 keli), Aıda Ábikeeva (55 keli), Nurbek Oralbaı (90 keli) jarys jolynan shyǵyp qaldy.
Aıta ketsek, qazirge deıin el quramasynan Qazaqstandyq boksshylar Azııa oıyndarynda sońǵy ret 2014 jyly Inchhonda altyn medal jeńip alǵan. Budan keıin Djakartadaǵy 2018 jylǵy jáne Hanchjoýdaǵy 2023 jylǵy Azııa oıyndarynda qazaqstandyq boksshylar altyn júldesiz qalǵan.
