Azııa oıyndarynda 26 qyrkúıekte bokstan Qazaqstan quramasynan kimder shyǵady
ASTANA. KAZINFORM — 2026 jylǵy Azııa oıyndarynda 26 qyrkúıekte Qazaqstan quramasynan úsh boksshy sharshy alańǵa shyǵady.
Bul kúni Vıktorııa Grafeeva, Nurbek Oralbaı, Mahmud Sabyrhan sharshy alańǵa shyǵady.
El quramasynan 1/8 fınalda Vıktorııa Grafeeva (60 keli) qytaılyq Lın ıÝı-Tın, Nurbek Oralbaı (90 keli) aýǵanstandyq Sılab Nýrı, Mahmud Sabyrhan (55 keli) ırandyq Mehdı Kazemımen qolǵap túıistiredi.
Qurlyqtyq básekege elimizdiń erler quramasynda 6, áıelderde 5 boksshy attanǵan edi. Olardyń qatarynda erlerde Mahmud Sabyrhan (55 keli), Orazbek Asylqulov (60 keli), Tórehan Sabyrhan (70 keli), Sabyrjan Aqqalyqov (80 keli), Nurbek Oralbaı (90 keli), Aıbek Oralbaı (90 keliden joǵary) bar.
Al áıelderde tizimge Alýa Balqybekova (51 keli), Nazym Qyzaıbaı (54 keli), Vıktorııa Grafeeva (60 keli), Aıda Ábikeeva (65 keli) jáne Natalıa Bogdanova (75 keli) engizilgen.
Qazirge deıin Tórehan Sabyrhan Azııa oıyndarynda qatarlyq Muhammed Dbıchıdi 5:0 esebimen qapy qaldyrsa, Alýa Balqybekova úndistandyq Sakshı Chaýdharıdi 3:2 esebimen tize búktirdi.
Al Sabyrjan Aqqalyqov 1/8 fınalda Kım Mın Sengqa (Ońtústik Koreıa) 2:3 esebimen jol berse, odan keıin 1/8 fınalda Nazym Qyzaıbaı (54 keli) qytaaılyq Ksýa Jao, Orazbek Asylqulov (60 keli) Ońtústik Koreıa ókili Donghvan Jangqa ese jiberip, jarys jolynan shyǵyp qaldy.
Qazaqstandyq boksshylar Azııa oıyndarynda sońǵy ret 2014 jyly Inchhonda altyn medal jeńip alǵan. Budan keıin Djakartadaǵy 2018 jylǵy jáne Hanchjoýdaǵy 2023 jylǵy Azııa oıyndarynda qazaqstandyq boksshylar altyn júldesiz qalǵan.
