Azııa oıyndaryna kıim tikken kompanııalar «qara tizimge» enýi múmkin

Qytaıdyń Gýanchjoý qalasynda ótip jatqan HІH Azııa oıyndaryna qatysýshy qazaqstandyq sportshylardyń kıim tikken kompanııalar josyqsyz jetkizýshiler tizimine kirgizilýi múmkin, dep habarlaıdy QazAqparat tilshisi.

Qarjy mınıstrligi Іshki memlekettik aýdıt komıteti tóraǵasynyń orynbasary Renad Ahmetov QazAqparat tilshisiniń saýalyna bergen jaýabynda osyndaı málimet aıtty.

«Zańnamada kelisimsharttaǵy mindettemelerdi sapasyz oryndaǵany úshin tapsyrys berýshi jetkizýshiniń ústinen josyqsyz oryndaýshylar tizimine engizý týraly sotqa júgine alady. Tapsyrystyń sapasyz oryndalǵany dáleldense, sot josyqsyz jetkizýshiler tizimine kirgizý týraly sheshim shyǵarady. Sot sheshimi zańdy kúshine engennen keıin jetkizýshi tizimge enedi de, portaldaǵy áreketteri buǵattalady. Budan ári ol jetkizýshi satyp alý protsesterine qatysa almaıdy», - dedi Renad Ahmetov.