Azııa oıyndaryn «Qazaqstan» jáne «Qazsport» telearnalary tikeleı efırde kórsetedi
ASTANA. KAZINFORM - Qazaqstanda Aıchı-Nagoıada (Japonııa) ótetin XX jazǵy Azııa oıyndarynyń tikeleı kórsetilimderin tamashalaýǵa bolady, dep habarlaıdy Ulttyq olımpıada komıteti.
Azııa oıyndaryn «Qazaqstan» jáne «Qazsport» telearnalary tikeleı efırde kórsetedi. Budan bólek, Azıadaǵa arnalǵan arnaıy stýdııalyq baǵdarlamalar men Japonııadan tikeleı qosylymdar usynylady.
XX jazǵy Azııa oıyndary 19 qyrkúıek pen 4 qazan aralyǵynda ótedi. Jarys baǵdarlamasyna 43 sport túri men 71 dıstsıplına engizildi. Jalpy 469 júlde jıyntyǵy sarapqa salynady.
Alaıda keıbir sport túrlerindegi jarystar Azıadanyń resmı ashylý saltanatyna deıin bastalady. Alǵash bolyp 10 qyrkúıekte basketbol dodasy bastaldy. Qazaqstan erler quramasy alǵashqy kezdesýin búgin, 11 qyrkúıekte ótkizdi.
Oıyndardyń resmı ashylýyna deıin voleıbol, qazirgi bessaıys, krıket, tekbol, fýtbol, kógaldaǵy hokkeı jáne gandboldan da jarystar bastalady.
Japonııadaǵy básekege Qazaqstan quramasynyń atynan shamamen 560 sportshy qatysady dep kútilýde.
Osyǵan deıin Japonııanyń Azııa oıyndarynyń ashylýyna 10 myń polıtsııa qyzmetkerin jumyldyratyny týraly jazdyq.
