Azııa oıyndary: Ulttyq qurama jaǵajaı voleıbolynan irikteý saıysynda jeńiske jetti

ASTANA. KAZINFORM – Bahreınniń Manama qalasynda ótip jatqan 2025 jylǵy jasóspirimder arasyndaǵy Azııa oıyndary aıasynda jaǵajaı voleıbolynan irikteý saıysy bastaldy.

QR UOK málimetinshe, 20 qazanda ulttyq qurama toptyq kezeńde tórt match ótkizip, tórteýinde de jeńiske jetti.

Qyzdar quramasynan Gaıana Galash pen Mereı Qojahmet aldymen Shrı-Lankany 2:0 esebimen jeńdi. Odan keıin qazaqstandyqtar Qatar quramasynan da 2:0 esebimen basym tústi.

Uldar arasyndaǵy juptyq saıysta Álıhan Aǵabek pen Orazaly Saǵynysh alǵashqy oıynda Mońǵolııany 2:0 esebimen utty. Keıin qazaqstandyq jaǵajaı voleıbolshylary Qytaı quramasyn 2:1 esebimen tize búktirdi.

Aıta keteıik, Qazaqstan quramasy gandboldan alǵashqy kezdesýin ótkizdi.

Álııam Ázizova Azııa oıyndarynyń jartylaı fınalyna joldama aldy.