Azııa oıyndary: Sý dobynan Qazaqstan erler quramasy shırek fınalǵa shyqty
Qytaıdyń Hanchjoý qalasynda ótip jatqan XIX jazǵy Azııa oıyndarynda sý dobynan Qazaqstan erler quramasy shırek fınalǵa shyqty, dep habarlaıdy QazAqparat tilshisi.
Qazaqstandyq sportshylar V tobynda synǵa tústi. Qarsylastary – Japonııa, Sıngapýr jáne Gonkong.
Úshinshi oıynda el quramasy Sıngapýrdy 22:4 esebimen tize búktirdi.
Odan buryn Gonkongty 25:4 esebimen jeńse, Japonııaǵa 13:15 esebimen ese jiberdi.
Nátıjesinde óz tobynda ekinshi oryn alyp, shırek fınalǵa shyqty.
Endi olar shırek fınalda, 5 qazanda Ońtústik Koreıamen sheberlik baıqasady.
Aıta ketsek, jarys barysynda 2024 jylǵy Parıj Olımpıadasyna joldamalar sarapqa salynady.
Sý dobynan elimizdiń erler quramasy Azııa oıyndaryna 1994 jyldan beri qatysyp keledi. 2006 jyly qola júldeger bolsa, qalǵanynda chempıondyq ataqqa qol jetkizdi.
Eske salsaq, budan buryn Qazaqstan áıelder quramasy Azııa oıyndarynda úzdik úshtikke turaqtady.
Sondaı-aq Azııa oıyndarynda aýyr atlet Aleksandr Ývarov qola medal enshiledi.
