Azııa oıyndary: Sý dobynan Qazaqstan áıelder quramasy Taılandty jeńdi

Qytaıdyń Hanchjoý qalasynda ótip jatqan XIX jazǵy Azııa oıyndarynda sý dobynan Qazaqstan áıelder quramasy tórtinshi kezdesýinde Taılandtan basym tústi, dep habarlaıdy QazAqparat tilshisi.

El quramasy tórtinshi kezdesýinde Taılandty 13:8 esebimen jeńdi.

Buǵan deıin qazaqstandyq sportshylar Ońtústik Koreıany 24:4, Sıngapýrdy 12:6 esebimen tize búktirip, Qytaıǵa 8:17 esebimen ese jiberdi.

Úsh týrdan keıin olar 6 upaımen týrnır kestesinde úshinshi orynda tur. Alǵashqy eki oryndaǵy Japonııanyń - 8, Qytaıdyń - 6 upaıy bar.

Endi el quramasy 30-qyrkúıekte Japonııa, 1- qazanda Ózbekstanmen kezdesedi.