Azııa oıyndary: Sý dobynan Qazaqstan áıelder quramasy Ońtústik Koreıadan basym tústi

Qytaıdyń Hanchjoý qalasynda ótip jatqan XIX jazǵy Azııa oıyndarynda sý dobynan Qazaqstan áıelder quramasy úshinshi kezdesýinde Ońtústik Koreıadan basym tústi, dep habarlaıdy QazAqparat tilshisi.

El quramasy úshinshi kezdesýinde Ońtústik Koreıany 24:4 esebimen jeńdi.

Buǵan deıin qazaqstandyq sportshylar Sıngapýrdy 12:6 esebimen tize búktirip, Qytaıǵa 8:17 esebimen ese jiberdi.

Úsh týrdan keıin olar 4 upaımen týrnır kestesinde úshinshi orynda tur. Alǵashqy eki oryndaǵy Qytaıdyń - 6, Japonııanyń - 4 upaıy bar.

Endi el quramasy 29 qyrkúıekte Taıland, 30-qyrkúıekte, 1- qazanda Ózbekstanmen kezdesedi.

Eske salsaq, úsh altyn júldeden keıin Qazaqstan quramasy medaldar kestesinde 12-orynnan 9-orynǵa kóterildi.

Kósh basynda Qytaı, Ońtústik Koreıa, Japonııa quramalary keledi.