Azııa oıyndary: Shahmattan Qazaqstan áıelder quramasy úshinshi oryn aldy
Shahmattan Qazaqstan áıelder quramasy Qytaıdyń Hanchjoý qalasynda ótip jatqan Azııa oıyndarynda qola júlde aldy, dep habarlaıdy QazAqparat tilshisi.
Qurama sapynda Jansaıa Ábdýmálik, Bıbisara Asaýbaeva, Alýa Nurmanova, Merýert Kamalıdenova jáne Dınara Sádýaqasova el namysyn qorǵady.
El quramasy sheshýshi 9-týrda Ózbekstandy 3:1 esebimen jeńip, 3-orynǵa ıe boldy.
Alǵashqy orynǵa Qytaı qol jetkizse, ekinshi oryn Úndistan enshisine buıyrdy.
Eske salsaq, budan buryn sý dobynan elimizdiń erler quramasy Qytaıdyń Hanchjoý qalasynda ótip jatqan Azııa oıyndarynda qola júlde aldy.
El quramasy 3-oryn úshin ótken oıynda Iranmen sheberlik baıqasty. Kezdesýdiń negizgi kezeńi 7:7 esebimen teń aıaqtaldy. Býllıt serııasynda qazaqstandyq sportshylar 3:2 esebimen jeńiske jetti.
