Azııa oıyndary: Qazaqstan voleıboldan shırek fınalda Ońtústik Koreıamen kezdesedi
ASTANA.KAZINFORM – Aıchı jáne Nagoıadaǵy (Japonııa) 2026 jylǵy Azııa oıyndarynda voleıboldan Qazaqstan áıelder quramasynyń shırek fınaldaǵy qarsylasy anyqtaldy.
QR UOK málimetinshe, jartylaı fınalǵa shyǵý úshin Qazaqstan quramasy D tobynda birinshi oryn alǵan Ońtústik Koreıamen kezdesedi.
Qazaqstan quramasy V tobynda ekinshi oryn alyp, pleı-off kezeńine joldama aldy. Týrnırdegi alǵashqy oıynda qazaqstandyq voleıbolshylar Fılıppın quramasyn 3:1 esebimen jeńse, keıin Qytaıǵa 0:3 esebimen jol berdi.
Ońtústik Koreıa quramasy toptyq kezeńdi jeńilissiz aıaqtady. Olar Gonkong pen Qatardy 3:0 esebimen jeńip, Vetnamdy 3:1 esebimen utty.
Qazaqstan – Ońtústik Koreıa arasyndaǵy shırek fınaldyq match 20 qyrkúıekte ótedi. Oıyn Astana ýaqytymen 12:00-de bastalady.
Aıta keteıik, Qazaqstan sportshylarynyń 20 qyrkúıektegi jarys kestesi jarııalandy.
