Azııa oıyndary: el sportshylary buǵan deıin qaı sport túrinen úzdik nátıjege qol jetkizdi
ASTANA. KAZINFORM — Qazaqstan Azııa oıyndaryna 1994 jyldan bastap qatysyp keledi. El sportshylary osyǵan deıingi 8 jazǵy Azııa oıyndarynda eń úzdik nátıje kórsetken sport túri belgili boldy.
Azııa oıyndary tarıhynda qazaqstandyq sportshylar 31 sport túrinen júlde ıelendi. Osy jyldar ishinde baıdarka jáne kanoe esýshiler eń tabysty óner kórsetip, jalpy el qorjynyna 69 júlde syılady. Onyń ishinde 25 altyn, 24 kúmis jáne 20 qola medal bar.
Sonymen qatar Qazaqstan quramasy jeńil atletıka sportynan 23 altyn, 23 kúmis jáne 28 qola júlde enshilep, jalpy 73 medal jeńip aldy.
Nysana kózdeý Azııa oıyndarynda Qazaqstan quramasy úshin eń kóp júlde salǵan sport túri sanalady. Otandastarymyz osy sportta jalpy 86 medal (21 altyn, 30 kúmis jáne 35 qola) enshiledi.
Sondaı-aq Qazaqstan quramasy qorjynynda kúresten 59 medal, boks — 46, dzıýdo — 41, velosport — 31, aýyr atletıka — 30, gımnastıka — 29, karate — 26, júzý — 25, semserlesý — 20 jáne taekvondo — 19 medal bar.
Osyǵan deıin habarlaǵanymyzdaı, 1994-2022 jyl aralyǵynda el sportshylary jazǵy Azıadada barlyǵy 637 medal (165 altyn, 180 kúmis jáne 292 qola) enshilep, Azııa oıyndary tarıhynda eń kóp júlde jeńip alǵan komandalar qatarynan kórindi (6-oryn).
Eske salaıyq, HX jazǵy Azııa oıyndary 2026 jyldyń 19 qyrkúıek pen 4 qazan aralyǵynda Japonııanyń Aıchı prefektýrasy men Nagoıa qalasynda ótedi, oıyndardyń urany — Imagine One Asia («Birtutas Azııany elestet»).
Baıraqty básekede Qazaqstan ulttyq quramasynyń sapynan 558 sportshy baq synaıdy.
