Azııa oıyndary: Qazaqstan qorjynyna taǵy bir kúmis medal tústi

Qazaqstandyqtar Margarıta Torlopova men Ýlıana Kıseleva Qytaıdyń Hanjchoý qalasynda ótip jatqan Azııa oıyndarynda kúmis júldeger atandy, dep habarlaıdy QazAqparat tilshisi.

M.Torlopova men Ý.Kıseleva 200 metr qashyqtyqta kanoedan juptasyp óner kórsetýde tek qytaılyqtardy ǵana alǵa jiberdi.

Ózbekstandyq dýet qola júldeni qanaǵat tutty.

Osylaısha, búgin qazaqstandyq eskekshiler Azıadada qos kúmis, bir qola júldege ıe boldy.

Eske sala keteıik, budan buryn Qazaqstan qorjynyna tórtinshi altyn medal túskenin jazǵan bolatynbyz.

Sondaı-aq Marııa Brovkova Azııa oıyndarynyń qola júldegeri atandy.

Aǵaıyndy Emelıanovtar Azııa oıyndarynyń kúmis júldegeri atandy.