Azııa oıyndary: Qazaqstan erler quramasy nysana kózdeýden kúmis medal aldy

Qytaıdyń Hanchjoý qalasynda ótip jatqan Azııa oıyndarynda Qazaqstan erler quramasy nysana kózdeýden kúmis medal aldy, dep habarlaıdy QazAqparat tilshisi. 

Quramynda Baqtııar Ibraev, Andreı Hýdıakov jáne Asadbek Nazırkýlıev bar qazaqstandyqtar 10 metrden jyljymaly nysanǵa oq atýdan ekinshi orynǵa kóterildi.

Qazaqstan quramasy ındonezııalyqtardyń aldyn orap ketkenimen, sońǵy synda ońtústikkoreıalyqtarǵa ese jiberdi.

Osylaısha, Azıadada Qazaqstan qorjynyna ázirge jeti medal tússe, sonyń ekeýi – kúmis, beseýi – qola.

Búgin Qazaqstan dzıýdo quramasynan Arýna Jangeldına, Kámıla Berliqash jáne Nurlyhan Sharhan qola júlde úshin básekege túsedi. Bıylǵy Azıadadan qazaqstandyq dzıýdoshylar altynsyz qaıtatyn boldy.

Eske sala keteıik, budan buryn Sáken Bıbosynovtyń Azııa oıyndarynda alǵashqy jeńisine qol jetkizgenin jazǵan bolatynbyz.