Azııa oıyndary: Karateshi Nurqanat Ájiqanov fınalǵa shyqty

Qytaıdyń Hanchjoý qalasynda ótip jatqan Azııa oıyndarynda karateshi Nurqanat Ájiqanov fınalǵa shyqty, dep habarlaıdy QazAqparat tilshisi.

Nurqanat Ájiqanov 2001 jyly dúnıege kelgen.

Ol jartylaı fınalda Malaızııa ókili Ragonazan Sharmendrandy 4:3 esebimen jeńdi. Oǵan deıin Nurqanat alǵashqy aınalymda Muhammed Shekhý Alamnan (Nepal), shırek fınalda qyrǵyz sportshysy Nazym Nurlanovtan aılasyn asyrǵan.

Nurqanat 2021 jyly Tokıo Olımpıadasynda el namysyn qorǵaǵan. Álem chempıonatynda 2 márte qola júlde jeńip alǵan, 3 dúrkin Azııa chempıony bolǵan.

Aıta keteıik, karateden júlde úshin jekpe-jekter elorda ýaqytymen saǵat 12:00 men 16:00 aralyǵynda ótedi.

Sondaı-aq, búgin el quramasynan karateshi Laýra Áliqul jartylaı fınalǵa shyǵý úshin saıysqa túsedi.

Qazir el quramasy enshisinde 51 medal (5 altyn, 11 kúmis, 35 qola) bar. Medaldar kestesinde 13-orynda tur.

Bul jóninen Qytaı 314 medal alyp, (169 altyn, 94 kúmis, 51 qola) kósh bastaǵan. Odan keıingi oryndar Japonııa (147 medal: 37 altyn, 51 kúmis, 59 qola), Ońtústik Koreıa (146 medal: 33 altyn, 45 kúmis, 68 qola) enshisinde.