Azııa oıyndary: Karateshi Móldir Jańbyrbaı fınalǵa joldama aldy

Qytaıdyń Hanchjoý qalasynda ótip jatqan Azııa oıyndarynda qazaqstandyq karateshi Móldir Jańbyrbaı fınalǵa joldama aldy, dep habarlaıdy QazAqparat tilshisi.

Móldir Jańbyrbaı 50 kelige deıingi salmaqta úsh myqty qarsylasyn joldan taıdyrdy.

Qazaqstandyq karateshi aldymen Azııa chempıony, qytaılyq Ie Tıng Tsangty tartysty kezdesýde 3:2 esebimen utty. Sodan keıin eki márte álem chempıony, japonııalyq Mıho Mıaharanyń (6:5) meselin qaıyrdy. Jartylaı fınalda álem chempıonatynyń qola júldegeri, úndistandyq Sara Bahmanıardan 5:4 esebimen aılasyn asyrdy.

M.Jańbyrbaı fınalda 2018 jylǵy Azııa oıyndarynyń chempıony, taıbeılik Shıaý Shýang Gýmen altynǵa talasady.

Eske sala keteıik, budan buryn Azııa oıyndarynda Sofıa Berýltsevanyń Qazaqstan qorjynyna onynshy altyndy salǵanyn jazǵan edik.