Azııa oıyndary: Gımnast Narıman Qurbanov qola aldy

Qazaqstandyq gımnast Narıman Qurbanov Qytaıdyń Hanchjoý qalasynda ótip jatqan Azııa oıyndarynda qola aldy, dep habarlaıdy QazAqparat tilshisi.

Qazaqstandyq sportshy at ústindegi jattyǵýdyń fınaldyq satysynda synǵa tústi. Nátıjesinde 15.100 ball jınap, úshinshi orynǵa turaqtady.

Bul jarysta bas júlde Taıbeıden kelgen Chın-Kaı Lıge buıyrsa, ekinshi orynǵa japonııalyq Reto Tsýmaroǵa jaıǵasty.

Eske salsaq, búgin el quramasy qorjynyna eki altyn medal tústi.

Aldymen Zýhra Irnazarova 10 metr qashyqtyqtan jyljymaly nysanaǵa oq atý saıysynda chempıon atandy.

Odan keıin Ásem Orynbaı men Edýard Eşenko stendtik atý týrnıriniń aralas juptyq saıysynda altyn medal jeńip aldy.