Azııa oıyndary: Gandboldan Qazaqstan erler quramasy Ózbekstannan basym tústi
Qytaıdyń Hanchjoý qalasynda ótip jatqan XIX jazǵy Azııa oıyndarynda gandboldan Qazaqstan erler quramasy Ózbekstannan basym tústi, dep habarlaıdy QazAqparat tilshisi.
Elimizdiń erler quramasy S tobynda synǵa túsedi. Qarsylastary - Bahreın men Ózbekstan.
Alǵashqy kezdesýinde qazaqstandyq sportshylar Bahreınnen 22:45 esebimen jeńildi.
Búgin el quramasy Ózbekstannan 31:27 esebimen basym tústi.
Endi olar pleı-off satysynda baq synaýǵa múmkindik aldy.
Al elimizdiń áıelder quramasy A tobynda synǵa túsedi. Qarsylastary - Ońtústik Koreıa, Taıland jáne Ózbekstan.
Alǵashqy oıynynda olar Taılandty 44:20 esebimen btize búktirdi.
Endi qazaqstandyq gandbolshylar 27 qyrkúıekte Ózbekstan, 30 qyrkúıekte Ońtústik Koreıamen sheberlik baıqasady.
Árbir toptan alǵashqy eki oryndaǵy quramalar jarystyń kelesi satysyna shyǵyp, júldelerdi sarapqa salýǵa múmkindik aldy.
