Azııa oıyndary: Gandboldan Qazaqstan áıelder quramasy Taılandty jeńdi

Qytaıdyń Hanchjoý qalasynda ótip jatqan XIX jazǵy Azııa oıyndarynda gandboldan Qazaqstan áıelder quramasy Taılandtan basym tústi, dep habarlaıdy QazAqparat tilshisi.

Qazaqstandyq gandbolshylar A tobynda synǵa túsedi. Qarsylastary - Ońtústik Koreıa, Taıland jáne Ózbekstan.

Alǵashqy oıynynda el quramasy Taılandty 44:20 esebimen basym tústi.

Endi qazaqstandyq gandbolshylar 27 qyrkúıekte Ózbekstan, 30 qyrkúıekte Ońtústik Koreıamen sheberlik baıqasady.

Árbir toptan alǵashqy eki oryndaǵy quramalar jarystyń kelesi satysyna shyǵyp, júldelerdi sarapqa salýǵa múmkindik aldy.

Qazaqstan áıelder quramasy 2002, 2006 jyldary Azııa oıyndarynda chempıon atandy.

Al elimizdiń erler quramasy S tobyndaǵy alǵashqy kezdesýinde Bahreınnen 22:45 esebimen jeńildi.

Endi olar 25 qyrkúıekte Ózbekstanmen kezdesedi.

Eske salsaq, 23 qyrkúıekte Hanchjoýda 19-shy Azııa oıyndarynyń ashylý saltanaty ótti.