Azııa oıyndary: Eskek esý jarysynda qazaqstandyqtar jalpykomandalyq esepte ekinshi oryn aldy
Qytaıdyń Hanchjoý qalasynda ótip jatqan XIX jazǵy Azııa oıyndarynda kanoe men baıdarkada eskek esý jarysy máresine jetti. El quramasy jalpykomandalyq esepte ekinshi oryn aldy, dep habarlaıdy QazAqparat tilshisi.
Ulttyq qurama barlyq baǵdarlamada fınalǵa jetip, 8 (1 altyn, 4 kúmis jáne 3 qola) júldege qol jetkizdi.
Qazaqstandyq eskekshiler Sergeı Emelıanov pen Tımýr Haıdarov kanoeda 500 metr qashyqtyqta máre syzyǵyn birinshi bolyp qıdy.
Aǵaıyndy Tımofeı men Sergeı Emelıanov kanoe esýden 1 myń metr qashyqtyqta márege ekinshi bolyp jetti.
Qazaqstandyqtar Margarıta Torlopova men Ýlıana Kıseleva Qytaıdyń Hanjchoý qalasynda ótip jatqan Azııa oıyndarynda 200 metr qashyqtyqta kanoedan juptasyp baq synaýda ekinshi oryn aldy.
Sondaı-aq, 500 metr qashyqtyqqa kanoede juptyq esýden komandalyq saıysta Rýfına Iskakova men Marııa Brovkova kúmis júldege ıe boldy.
Al el quramasynan Marııa Brovkova bir adamdyq kanoeda 200 metr qashyqtyqta máre syzyǵyn úshinshi bolyp qıdy.
Nátıjesinde jalpykomandalyq esepte ekinshi oryn aldy. Alǵashqy orynda Qytaı (9 altyn) quramasy tursa,úzdik úshtikti Ózbekstan quramasy (6 medal) túıindedi turaqtady.
