Azııa oıyndary: Búgin Qazaqstan quramasynan bes boksshy sharshy alańǵa shyǵady
Búgin, 29 qyrkúıekte Hanchjoýda ótip jatqan Azııa oıyndarynda elimizdiń bes boksshysy synǵa túsedi. QazAqparat bul týraly Sports.kz portalyna silteme jasap habarlaıdy.
Kúndizgi sessııada úsh qazaqstandyq sportshy óner kórsetedi. Olardyń qatysýymen ótetin jekpe-jekterdi tikeleı efırde Qazaqstan telearnasynan kórýge bolady.
Astana ýaqytymen saǵat 12:00-de sharshy alańǵa Nazym Qyzaıbaı shyǵady. Ol 50 kelige deıingi salmaqta shırek fınalda mońǵolııalyq Esýgen Oıýýntsetsegpen judyryqtasady.
Saǵat 14:00-de Nurbek Oralbaı 80 keli salmaqta 1/8 fınalda Qytaıdan kelgen etnıkalyq qazaq Toqtarbek Tańathanmen kezdesedi.
Saǵat 14:45-te 92 kelige deıingi salmaqta shırek fınalda Saǵyndyq Toǵambaı ırandyq Týfan Sharıfımen judyryqtasady.
Keshki sessııada Qazaqstannyń taǵy bir ókiliniń judyryqtasýyn tamashalaı alasyz. Saǵat 17:30-da sharshy alańǵa 57 kelige deıingi salmaqta 1/8 fınalda Karına Ibragımova soltústikkoreıalyq Djın Hıan Pekpen qolǵap túıistiredi.
Bul jekpe-jekti Qazsport telearnasynan da tikeleı efırde kórýge bolady.
Bul jekpe-jekterdiń ishinde Nurbek Oralbaı men Toqtarbek Tańathannyń rıngke shyǵýy erekshe nazar aýdartady. Óıtkeni bul 2023 jyly Tashkentte (Ózbekstan) ótetin álem chempıonatynyń fınalynyń remeıki bolmaq. Ondaǵy «altyn» úshin tartys Oralbaıdyń jeńisimen aıaqtalǵan bolatyn.
